ಭಜ ಗೋವಿಂದಂ ರಚನ: ಆದಿ ಶಂಕರಾಚಾರ್ಯ

ರಚನ: ಆದಿ ಶಂಕರಾಚಾರ್ಯ

ಭಜ ಗೋವಿಂದಂ ಭಜ ಗೋವಿಂದಂ
ಗೋವಿಂದಂ ಭಜ ಮೂಢಮತೇ |
ಸಂಪ್ರಾಪ್ತೇ ಸನ್ನಿಹಿತೇ ಕಾಲೇ
ನಹಿ ನಹಿ ರಕ್ಷತಿ ಡುಕ್ರಿಂಕರಣೇ || 1 ||

ಮೂಢ ಜಹೀಹಿ ಧನಾಗಮತೃಷ್ಣಾಂ
ಕುರು ಸದ್ಬುದ್ಧಿಮ್ ಮನಸಿ ವಿತೃಷ್ಣಾಮ್ |
ಯಲ್ಲಭಸೇ ನಿಜ ಕರ್ಮೋಪಾತ್ತಂ
ವಿತ್ತಂ ತೇನ ವಿನೋದಯ ಚಿತ್ತಮ್ || 2 ||

ನಾರೀ ಸ್ತನಭರ ನಾಭೀದೇಶಂ
ದೃಷ್ಟ್ವಾ ಮಾ ಗಾ ಮೋಹಾವೇಶಮ್ |
ಏತನ್ಮಾಂಸ ವಸಾದಿ ವಿಕಾರಂ
ಮನಸಿ ವಿಚಿಂತಯಾ ವಾರಂ ವಾರಮ್ || 3 ||

ನಳಿನೀ ದಳಗತ ಜಲಮತಿ ತರಳಂ
ತದ್ವಜ್ಜೀವಿತ ಮತಿಶಯ ಚಪಲಮ್ |
ವಿದ್ಧಿ ವ್ಯಾಧ್ಯಭಿಮಾನ ಗ್ರಸ್ತಂ
ಲೋಕಂ ಶೋಕಹತಂ ಚ ಸಮಸ್ತಮ್ || 4 ||

ಯಾವದ್-ವಿತ್ತೋಪಾರ್ಜನ ಸಕ್ತಃ
ತಾವನ್-ನಿಜಪರಿವಾರೋ ರಕ್ತಃ |
ಪಶ್ಚಾಜ್ಜೀವತಿ ಜರ್ಜರ ದೇಹೇ
ವಾರ್ತಾಂ ಕೋ‌உಪಿ ನ ಪೃಚ್ಛತಿ ಗೇಹೇ || 5 ||

ಯಾವತ್-ಪವನೋ ನಿವಸತಿ ದೇಹೇ
ತಾವತ್-ಪೃಚ್ಛತಿ ಕುಶಲಂ ಗೇಹೇ |
ಗತವತಿ ವಾಯೌ ದೇಹಾಪಾಯೇ
ಭಾರ್ಯಾ ಬಿಭ್ಯತಿ ತಸ್ಮಿನ್ ಕಾಯೇ || 6 ||

ಬಾಲ ಸ್ತಾವತ್ ಕ್ರೀಡಾಸಕ್ತಃ
ತರುಣ ಸ್ತಾವತ್ ತರುಣೀಸಕ್ತಃ |
ವೃದ್ಧ ಸ್ತಾವತ್-ಚಿಂತಾಮಗ್ನಃ
ಪರಮೇ ಬ್ರಹ್ಮಣಿ ಕೋ‌உಪಿ ನ ಲಗ್ನಃ || 7 ||

ಕಾ ತೇ ಕಾಂತಾ ಕಸ್ತೇ ಪುತ್ರಃ
ಸಂಸಾರೋ‌உಯಮತೀವ ವಿಚಿತ್ರಃ |
ಕಸ್ಯ ತ್ವಂ ವಾ ಕುತ ಆಯಾತಃ
ತತ್ವಂ ಚಿಂತಯ ತದಿಹ ಭ್ರಾತಃ || 8 ||

ಸತ್ಸಂಗತ್ವೇ ನಿಸ್ಸಂಗತ್ವಂ
ನಿಸ್ಸಂಗತ್ವೇ ನಿರ್ಮೋಹತ್ವಮ್ |
ನಿರ್ಮೋಹತ್ವೇ ನಿಶ್ಚಲತತ್ತ್ವಂ
ನಿಶ್ಚಲತತ್ತ್ವೇ ಜೀವನ್ಮುಕ್ತಿಃ || 9 ||

ವಯಸಿ ಗತೇ ಕಃ ಕಾಮವಿಕಾರಃ
ಶುಷ್ಕೇ ನೀರೇ ಕಃ ಕಾಸಾರಃ |
ಕ್ಷೀಣೇ ವಿತ್ತೇ ಕಃ ಪರಿವಾರಃ
ಙ್ಞಾತೇ ತತ್ತ್ವೇ ಕಃ ಸಂಸಾರಃ || 10 ||

ಮಾ ಕುರು ಧನಜನ ಯೌವನ ಗರ್ವಂ
ಹರತಿ ನಿಮೇಷಾತ್-ಕಾಲಃ ಸರ್ವಮ್ |
ಮಾಯಾಮಯಮಿದಮ್-ಅಖಿಲಂ ಹಿತ್ವಾ
ಬ್ರಹ್ಮಪದಂ ತ್ವಂ ಪ್ರವಿಶ ವಿದಿತ್ವಾ || 11 ||

ದಿನ ಯಾಮಿನ್ಯೌ ಸಾಯಂ ಪ್ರಾತಃ
ಶಿಶಿರ ವಸಂತೌ ಪುನರಾಯಾತಃ |
ಕಾಲಃ ಕ್ರೀಡತಿ ಗಚ್ಛತ್ಯಾಯುಃ
ತದಪಿ ನ ಮುಂಚತ್ಯಾಶಾವಾಯುಃ || 12 ||

ದ್ವಾದಶ ಮಂಜರಿಕಾಭಿರ ಶೇಷಃ
ಕಥಿತೋ ವೈಯಾ ಕರಣಸ್ಯೈಷಃ |
ಉಪದೇಶೋ ಭೂದ್-ವಿದ್ಯಾ ನಿಪುಣೈಃ
ಶ್ರೀಮಚ್ಛಂಕರ ಭಗವಚ್ಛರಣೈಃ || 13 ||

ಕಾ ತೇ ಕಾಂತಾ ಧನ ಗತ ಚಿಂತಾ
ವಾತುಲ ಕಿಂ ತವ ನಾಸ್ತಿ ನಿಯಂತಾ |
ತ್ರಿಜಗತಿ ಸಜ್ಜನ ಸಂಗತಿರೇಕಾ
ಭವತಿ ಭವಾರ್ಣವ ತರಣೇ ನೌಕಾ || 14 ||

ಜಟಿಲೋ ಮುಂಡೀ ಲುಂಜಿತ ಕೇಶಃ
ಕಾಷಾಯಾನ್ಬರ ಬಹುಕೃತ ವೇಷಃ |
ಪಶ್ಯನ್ನಪಿ ಚ ನ ಪಶ್ಯತಿ ಮೂಢಃ
ಉದರ ನಿಮಿತ್ತಂ ಬಹುಕೃತ ವೇಷಃ || 15 ||

ಅಂಗಂ ಗಲಿತಂ ಪಲಿತಂ ಮುಂಡಂ
ದಶನ ವಿಹೀನಂ ಜಾತಂ ತುಂಡಮ್ |
ವೃದ್ಧೋ ಯಾತಿ ಗೃಹೀತ್ವಾ ದಂಡಂ
ತದಪಿ ನ ಮುಂಚತ್ಯಾಶಾ ಪಿಂಡಮ್ || 16 ||

ಅಗ್ರೇ ವಹ್ನಿಃ ಪೃಷ್ಠೇ ಭಾನುಃ
ರಾತ್ರೌ ಚುಬುಕ ಸಮರ್ಪಿತ ಜಾನುಃ |
ಕರತಲ ಭಿಕ್ಷಸ್-ತರುತಲ ವಾಸಃ
ತದಪಿ ನ ಮುಂಚತ್ಯಾಶಾ ಪಾಶಃ || 17 ||

ಕುರುತೇ ಗಂಗಾ ಸಾಗರ ಗಮನಂ
ವ್ರತ ಪರಿಪಾಲನಮ್-ಅಥವಾ ದಾನಮ್ |
ಙ್ಞಾನ ವಿಹೀನಃ ಸರ್ವಮತೇನ
ಭಜತಿ ನ ಮುಕ್ತಿಂ ಜನ್ಮ ಶತೇನ || 18 ||

ಸುರಮಂದಿರ ತರು ಮೂಲ ನಿವಾಸಃ
ಶಯ್ಯಾ ಭೂತಲಮ್-ಅಜಿನಂ ವಾಸಃ |
ಸರ್ವ ಪರಿಗ್ರಹ ಭೋಗತ್ಯಾಗಃ
ಕಸ್ಯ ಸುಖಂ ನ ಕರೋತಿ ವಿರಾಗಃ || 19 ||

ಯೋಗರತೋ ವಾ ಭೋಗರತೋ ವಾ
ಸಂಗರತೋ ವಾ ಸಂಗವಿಹೀನಃ |
ಯಸ್ಯ ಬ್ರಹ್ಮಣಿ ರಮತೇ ಚಿತ್ತಂ
ನಂದತಿ ನಂದತಿ ನಂದತ್ಯೇವ || 20 ||

ಭಗವದ್ಗೀತಾ ಕಿಂಚಿದಧೀತಾ
ಗಂಗಾ ಜಲಲವ ಕಣಿಕಾ ಪೀತಾ |
ಸಕೃದಪಿ ಯೇನ ಮುರಾರೀ ಸಮರ್ಚಾ
ಕ್ರಿಯತೇ ತಸ್ಯ ಯಮೇನ ನ ಚರ್ಚಾ || 21 ||

ಪುನರಪಿ ಜನನಂ ಪುನರಪಿ ಮರಣಂ
ಪುನರಪಿ ಜನನೀ ಜಠರೇ ಶಯನಮ್ |
ಇಹ ಸಂಸಾರೇ ಬಹು ದುಸ್ತಾರೇ
ಕೃಪಯಾ‌உಪಾರೇ ಪಾಹಿ ಮುರಾರೇ || 22 ||

ರಥ್ಯಾ ಚರ್ಪಟ ವಿರಚಿತ ಕಂಥಃ
ಪುಣ್ಯಾಪುಣ್ಯ ವಿವರ್ಜಿತ ಪಂಥಃ |
ಯೋಗೀ ಯೋಗ ನಿಯೋಜಿತ ಚಿತ್ತಃ
ರಮತೇ ಬಾಲೋನ್ಮತ್ತವದೇವ || 23 ||

ಕಸ್ತ್ವಂ ಕೋ‌உಹಂ ಕುತ ಆಯಾತಃ
ಕಾ ಮೇ ಜನನೀ ಕೋ ಮೇ ತಾತಃ |
ಇತಿ ಪರಿಭಾವಯ ನಿಜ ಸಂಸಾರಂ
ಸರ್ವಂ ತ್ಯಕ್ತ್ವಾ ಸ್ವಪ್ನ ವಿಚಾರಮ್ || 24 ||

ತ್ವಯಿ ಮಯಿ ಸರ್ವತ್ರೈಕೋ ವಿಷ್ಣುಃ
ವ್ಯರ್ಥಂ ಕುಪ್ಯಸಿ ಮಯ್ಯಸಹಿಷ್ಣುಃ |
ಭವ ಸಮಚಿತ್ತಃ ಸರ್ವತ್ರ ತ್ವಂ
ವಾಞ್ಛಸ್ಯಚಿರಾದ್-ಯದಿ ವಿಷ್ಣುತ್ವಮ್ || 25 ||

ಶತ್ರೌ ಮಿತ್ರೇ ಪುತ್ರೇ ಬಂಧೌ
ಮಾ ಕುರು ಯತ್ನಂ ವಿಗ್ರಹ ಸಂಧೌ |
ಸರ್ವಸ್ಮಿನ್ನಪಿ ಪಶ್ಯಾತ್ಮಾನಂ
ಸರ್ವತ್ರೋತ್-ಸೃಜ ಭೇದಾಙ್ಞಾನಮ್ || 26 ||

ಕಾಮಂ ಕ್ರೋಧಂ ಲೋಭಂ ಮೋಹಂ
ತ್ಯಕ್ತ್ವಾ‌உ‌உತ್ಮಾನಂ ಪಶ್ಯತಿ ಸೋ‌உಹಮ್ |
ಆತ್ಮಙ್ಞ್ನಾನ ವಿಹೀನಾ ಮೂಢಾಃ
ತೇ ಪಚ್ಯಂತೇ ನರಕ ನಿಗೂಢಾಃ || 27 ||

ಗೇಯಂ ಗೀತಾ ನಾಮ ಸಹಸ್ರಂ
ಧ್ಯೇಯಂ ಶ್ರೀಪತಿ ರೂಪಮ್-ಅಜಸ್ರಮ್ |
ನೇಯಂ ಸಜ್ಜನ ಸಂಗೇ ಚಿತ್ತಂ
ದೇಯಂ ದೀನಜನಾಯ ಚ ವಿತ್ತಮ್ || 28 ||

ಸುಖತಃ ಕ್ರಿಯತೇ ರಾಮಾಭೋಗಃ
ಪಶ್ಚಾದ್ಧಂತ ಶರೀರೇ ರೋಗಃ |
ಯದ್ಯಪಿ ಲೋಕೇ ಮರಣಂ ಶರಣಂ
ತದಪಿ ನ ಮುಂಚತಿ ಪಾಪಾಚರಣಮ್ || 29 ||

ಅರ್ಥಮನರ್ಥಂ ಭಾವಯ ನಿತ್ಯಂ
ನಾಸ್ತಿ ತತಃ ಸುಖ ಲೇಶಃ ಸತ್ಯಮ್ |
ಪುತ್ರಾದಪಿ ಧನಭಾಜಾಂ ಭೀತಿಃ
ಸರ್ವತ್ರೈಷಾ ವಿಹಿತಾ ರೀತಿಃ || 30 ||

ಪ್ರಾಣಾಯಾಮಂ ಪ್ರತ್ಯಾಹಾರಂ
ನಿತ್ಯಾನಿತ್ಯ ವಿವೇಕ ವಿಚಾರಮ್ |
ಜಾಪ್ಯಸಮೇತ ಸಮಾಧಿ ವಿಧಾನಂ
ಕುರ್ವ ವಧಾನಂ ಮಹದ್-ಅವಧಾನಮ್ || 31 ||

ಗುರು ಚರಣಾಂಭುಜ ನಿರ್ಭರಭಕ್ತಃ
ಸಂಸಾರಾದ್-ಅಚಿರಾದ್-ಭವ ಮುಕ್ತಃ |
ಸೇಂದಿಯ ಮಾನಸ ನಿಯಮಾದೇವಂ
ದ್ರಕ್ಷ್ಯಸಿ ನಿಜ ಹೃದಯಸ್ಥಂ ದೇವಮ್ || 32 ||

ಮೂಢಃ ಕಶ್ಚಿನ ವೈಯಾಕರಣೋ
ಡುಕೃಣ್ಕರಣಾಧ್ಯಯನ ಧುರೀಣಃ |
ಶ್ರೀಮಚ್ಛಂಕರ ಭಗವಚ್ಚಿಷ್ಯೈಃ
ಬೋಧಿತ ಆಸೀಚ್ಛೋದಿತ ಕರಣೈಃ || 33 ||

ಪುಣ್ಯಕೋಟಿ ಗೋವಿನ ಹಾಡು (Punyakoti Govina Haadu Lyrics)

ಧರಣಿ ಮಂಡಲ ಮಧ್ಯದೊಳಗೆ 
ಮೆರೆಯುತಿಹ ಕರ್ಣಾಟ ದೇಶದೊಳಿರುವ 
ಕಾಳಿಂಗನೆಂಬ ಗೊಲ್ಲನ ಪರಿಯನೆಂತು ಪೇಳ್ವೆನು 

ಉದಯ ಕಾಲದೊಳೆದ್ದು ಗೊಲ್ಲನು 

ನದಿಯ ಸ್ನಾನವ ಮಾಡಿಕೊಂಡು 

ಮುದದಿ ತಿಲಕವ ಹಣೆಯೊಳಿಟ್ಟು

ಚತುರ ಶಿಖೆಯನು ಹಾಕಿದ

ಎಳೆಯ ಮಾವಿನ ಮರದ ಕೆಳಗೆ 
ಕೊಳಲನೂದುತ ಗೊಲ್ಲ ಗೌಡನು 
ಬಳಸಿ ನಿಂದ ತುರುಗಳನ್ನು 
ಬಳಿಗೆ ಕರೆದನು ಹರುಷದಿ 

ಗಂಗೆ ಬಾರೆ ಗೌರಿ ಬಾರೆ 
ತುಂಗಭದ್ರೆ ತಾಯಿ ಬಾರೆ 
ಪುಣ್ಯಕೋಟಿ ನೀನು ಬಾರೇ 
ಎಂದು ಗೊಲ್ಲನು ಕರೆದನು 

ಗೊಲ್ಲ ಕರೆದ ಧ್ವನಿಯ ಕೇಳಿ 
ಎಲ್ಲ ಹಸುಗಳು ಬಂದು ನಿಂತು 
ಚೆಲ್ಲಿ ಸೂಸಿ ಹಾಲು ಕರೆಯಲು 
ಅಲ್ಲಿ ತುಂಬಿತು ಬಿಂದಿಗೆ 

ಸತ್ಯವೇ ಭಗವಂತನೆಂಬ ಪುಣ್ಯಕೋಟಿಯ ಕಥೆಯಿದು 

ಹಬ್ಬಿದ ಮಲೆ ಮಧ್ಯದೊಳಗೆ 
ಅರ್ಭುತಾನೆಂದೆಂಬ ವ್ಯಾಘ್ರನು 
ಅಬ್ಬರಿಸಿ ಹಸಿಹಸಿದು ಬೆಟ್ಟದ 
ಕಿಬ್ಬಿಯೊಳು ತಾನಿದ್ದನು 

ಸಿಡಿದು ರೋಷದಿ ಮೊರೆಯುತಾ ಹುಲಿ 
ಘುಡುಘುಡಿಸಿ ಭೋರಿಡುತ ಛಂಗನೆ 
ತುಡುಕಲೆರಗಿದ ರಭಸಕಂಜಿ 
ಚೆದರಿ ಹೋದವು ಹಸುಗಳು 

ಪುಣ್ಯಕೋಟಿ ಎಂಬ ಹಸುವು 
ತನ್ನ ಕಂದನ ನೆನೆದುಕೊಂಡು 
ಮುನ್ನ ಹಾಲನು ಕೊಡುವೆನೆನುತ 
ಚೆಂದದಿ ತಾ ಬರುತಿರೆ 

ಇಂದೆನಗೆ ಆಹಾರ ಸಿಕ್ಕಿತು 
ಎಂದು ಬೇಗನೆ ದುಷ್ಟ ವ್ಯಾಘ್ರನು 
ಬಂದು ಬಳಸಿ ಅಡ್ಡಗಟ್ಟಿ 
ನಿಂದನಾ ಹುಲಿರಾಯನು

ಸತ್ಯವೇ ಭಗವಂತನೆಂಬ ಪುಣ್ಯಕೋಟಿಯ ಕಥೆಯಿದು 

ಮೇಲೆ ಬಿದ್ದು ನಿನ್ನನೀಗಲೆ 
ಬೀಳಹೊಯ್ವೆನು ನಿನ್ನ ಹೊಟ್ಟೆಯ 
ಸೀಳಿಬಿಡುವೆನು ಎನುತ ಕೋಪದಿ
ಖೂಳ ವ್ಯಾಘ್ರನು ಕೂಗಲು 

ಒಂದು ಬಿನ್ನಹ ಹುಲಿಯೆ ಕೇಳು 
ಕಂದನಿರುವನು ದೊಡ್ಡಿಯೊಳಗೆ 
ಒಂದು ನಿಮಿಷದಿ ಮೊಲೆಯ ಕೊಟ್ಟು 
ಬಂದು ಸೇರುವೆನಿಲ್ಲಿಗೆ 

ಹಸಿದ ವೇಳೆಗೆ ಸಿಕ್ಕಿದೊಡವೆಯ 
ವಶವ ಮಾಡದೆ ಬಿಡಲು ನೀನು 
ನುಸುಳಿ ಹೋಗುವೆ ಮತ್ತೆ ಬರುವೆಯ 
ಹುಸಿಯನಾಡುವೆ ಎಂದಿತು 

ಸತ್ಯವೇ ನಮ್ಮ ತಾಯಿ ತಂದೆ 
ಸತ್ಯವೇ ನಮ್ಮ ಬಂಧು ಬಳಗ 
ಸತ್ಯ ವಾಕ್ಯಕೆ ತಪ್ಪಿ ನಡೆದರೆ 
ಮೆಚ್ಚನಾ ಪರಮಾತ್ಮನು

ಸತ್ಯವೇ ಭಗವಂತನೆಂಬ ಪುಣ್ಯಕೋಟಿಯ ಕಥೆಯಿದು 

ಕೊಂದು ತಿನ್ನುವೆನೆಂಬ ಹುಲಿಗೆ 
ಚೆಂದದಿಂದ ಭಾಷೆ ಇತ್ತು 
ಕಂದ ನಿನ್ನನು ನೋಡಿ ಹೋಗುವೆ 
ನೆಂದು ಬಂದೆನು ದೊಡ್ಡಿಗೆ 

ಆರ ಮೊಲೆಯನು ಕುಡಿಯಲಮ್ಮ?
ಆರ ಸೇರಿ ಬದುಕಲಮ್ಮ? 
ಆರ ಬಳಿಯಲಿ ಮಲಗಲಮ್ಮ?
ಆರು ನನಗೆ ಹಿತವರು? 

ಅಮ್ಮಗಳಿರಾ ಅಕ್ಕಗಳಿರಾ 
ನಮ್ಮ ತಾಯೊಡಹುಟ್ಟುಗಳಿರಾ 
ನಿಮ್ಮ ಕಂದನೆಂದು ಕಾಣಿರಿ 
ತಬ್ಬಲಿಯನೀ ಕರುವನು 

ಮುಂದೆ ಬಂದರೆ ಹಾಯಬೇಡಿ 
ಹಿಂದೆ ಬಂದರೆ ಒದೆಯಬೇಡಿ 
ಕಂದ ನಿಮ್ಮವನೆಂದು ಕಾಣಿರಿ 
ತಬ್ಬಲಿಯನೀ ಕರುವನು

ಸತ್ಯವೇ ಭಗವಂತನೆಂಬ ಪುಣ್ಯಕೋಟಿಯ ಕಥೆಯಿದು 

ತಬ್ಬಲಿಯು ನೀನಾದೆ ಮಗನೆ
ಹೆಬ್ಬುಲಿಯ ಬಾಯನ್ನು ಹೊಗುವೆನು 
ಇಬ್ಬರ ಋಣ ತೀರಿತೆಂದು 
ತಬ್ಬಿಕೊಂಡಿತು ಕಂದನ 

ಗೋವು ಕರುವನು ಬಿಟ್ಟು ಬಂದು 
ಸಾವಕಾಶವ ಮಾಡದಂತೆ 
ಗವಿಯ ಬಾಗಿಲ ಸೇರಿ ನಿಂತು 
ತವಕದಲಿ ಹುಲಿಗೆಂದಿತು 

ಖಂಡವಿದೆಕೋ ಮಾಂಸವಿದೆಕೋ 
ಗುಂಡಿಗೆಯ ಬಿಸಿ ರಕ್ತವಿದೆಕೋ 
ಚಂಡ ವ್ಯಾಘ್ರನೆ ನೀನಿದೆಲ್ಲವ 
ನುಂಡು ಸಂತಸದಿಂದಿರು 

ಪುಣ್ಯಕೋಟಿಯ ಮಾತ ಕೇಳಿ 
ಕಣ್ಣ ನೀರನು ಸುರಿಸಿ ನೊಂದು 
ಕನ್ನೆಯಿವಳನು ಕೊಂದು ತಿಂದರೆ 
ಮೆಚ್ಚನಾ ಪರಮಾತ್ಮನು 

ಎನ್ನ ಒಡಹುಟ್ಟಕ್ಕ ನೀನು 
ನಿನ್ನ ಕೊಂದು ಏನ ಪಡೆವೆನು? 
ಎನ್ನುತ ಹುಲಿ ಹಾರಿ ನೆಗೆದು 
ತನ್ನ ಪ್ರಾಣವ ಬಿಟ್ಟಿತು

ಸತ್ಯವೇ ಭಗವಂತನೆಂಬ ಪುಣ್ಯಕೋಟಿಯ ಕಥೆಯಿದು 

ಪುಣ್ಯಕೋಟಿಯು ನಲಿದು ಕರುವಿಗೆ 
ಉಣ್ಣಿಸಿತು ಮೊಲೆಯ ಬೇಗದಿ 
ಚೆನ್ನ ಗೊಲ್ಲನ ಕರೆದು ತಾನು
ಮುನ್ನ ತಾನಿಂತೆಂದಿತು 

ಎನ್ನ ವಂಶದ ಗೋವ್ಗಳೊಳಗೆ 
ನಿನ್ನ ವಂಶದ ಗೊಲ್ಲರೊಳಗೆ 
ಮುನ್ನ ಪ್ರತಿ ಸಂಕ್ರಾಂತಿಯೊಳಗೆ 
ಚೆನ್ನ ಕೃಷ್ಣನ ಭಜಿಸಿರೈ 

ಈವನು ಸೌಭಾಗ್ಯ ಸಂಪದ 
ಭಾವಜಪಿತ ಕೃಷ್ಣನು

ಸ್ವಾಮಿ ವಿವೇಕಾನಂದ

ನಿರಂತರ ಪ್ರಯತ್ನವೇ ಜೀವನ; ತುದಿಮುಟ್ಟಿದೆವೆಂದು ನಿಲ್ಲುವುದೇ ಮೃತ್ಯು.
ಸಲ ಸಲವೂ ತನ್ನನ್ನು ತಾನು ಮೀರಲೆಳಸುವುದೇ ಸಾಧನೆ.
ಅನಂತವಾದ ಆತ್ಮವನ್ನು ಅನಂತವಾಗಿಯೇ ಸಾಧಿಸ ಬೇಕು.
ಸಿದ್ಧಿ ಎಂದರೆ ಕಾಲದಲ್ಲಿ ಕೊನೆಮುಟ್ಟುವುದೆಂದಲ್ಲ; ಕಾಲವನ್ನೇ ನುಂಗಿ ಮೀರುವುದು. 

ಯಾಕೆ ಬಡೆದಾಡ್ತಿ ತಮ್ಮ ಮಾಯಾ ಮೆಚ್ಚಿ ಸಂಸಾರ ಮೆಚ್ಚಿ

ಯಾಕೆ ಬಡೆದಾಡ್ತಿ ತಮ್ಮ ಮಾಯಾ ಮೆಚ್ಚಿ ಸಂಸಾರ ಮೆಚ್ಚಿ |
ನೀನೂಗದರಿಯೇ ತಮ್ಮ ಕಣ್ಣ ಮುಚ್ಚಿ ಮಣ್ಣ ಮುಚ್ಚಿ||

ಹೆಂಡ್ರು ಮಕ್ಕಳಿರುವರು ತಮ್ಮ ಎಲ್ಲಿ ತನಕ |
ಇದ್ದರೆ ತಿಮ್ಬೋತನಕ  ||
ಸತ್ತಾಗ ಬರುವರು ತಮ್ಮ ಕುಣಿತನಕ |
ಮಣ್ಣು ಮುಚ್ಚೋತನಕ ||

ಅಣ್ಣ  ತಮ್ಮ ಅಕ್ಕ ತಂಗಿ ಎಲ್ಲಿತನಕ |
ಬದುಕಿ ಬೆಳೆಯೋತನಕ ||
ಸತ್ತಾಗ ಬರುವರು ತಮ್ಮ ಕುಣಿತನಕ |
ಮಣ್ಣು ಮುಚ್ಚೋತನಕ ||

ಹೆಣ್ಣು ಹೊನ್ನು ಮಣ್ಣು ನಿನ್ನದು ಎಲ್ಲಿತನಕ |
ನಿನ್ನ ಕೊರಳಿಗೆ ಕುಣಿಕೆ ಬಿಳೋತನಕ ||
ನಿನ್ನಾಸೆ ಪ್ರಾಣ ಪಕ್ಷಿ ಹರೋ ತನಕ |
ಕಳಚಯ್ಯ ಮಾಯದ ಪೊರೆಯ ಮುಕ್ತಿ ಹೊಂದಾಟ ||

ಧರ್ಮ

ಶ್ರೀ ತ.ರಾ.ಸು  ಅವರ ರಕ್ತ ರಾತ್ರಿ ಕಾದಂಬರಿಯ, ೧೧೭ - ೧೧೮ ಪುಟದಿಂದ.

ಧರ್ಮ ಮಾರುಕಟ್ಟೆಯಲ್ಲ. ಗುರು ವ್ಯಾಪಾರಿಯಲ್ಲ. ನೀನು ಶಿಷ್ಯತ್ವದ ಬೆಲೆ ಕೊಟ್ಟರೆ, ನಿನಗೆ ನನ್ನ ಅನುಗ್ರಹದ, ಆಶೀರ್ವಾದ ಮಾಲು ಕೊಡುತ್ತೇನೆ ಎನ್ನುವ ಕ್ಷುದ್ರ ವ್ಯಾಪಾರವೇ ಧರ್ಮ ? ನಾಯಕರು ಸ್ವಧರ್ಮೀಯರಲ್ಲ. ಅದಕ್ಕಾಗಿ ನಾವು ಅವರಿಗಾಗಿ ದುಡಿಯಬಾರದು; ಅವರ ತಲೆ ಹೋದರು ನಾವು ಸುಮ್ಮನಿರಬೇಕು, ಅಲ್ಲವೇ ? ಆ ಮಾತನ್ನೇ ಇನ್ನು ಅಷ್ಟು ದೂರ  ಎಳೆದು ನೋಡು. ಇದು ಎಲ್ಲಿಗೆ ನಿಲ್ಲುತದೆಯೋ. ಎಲ್ಲರೂ ನಿನ್ನ ಹಾಗೇ ಯೋಚಿಸಿದರೆ, ತಮ್ಮ ಧರ್ಮಿಯರಲ್ಲದೆ ಉಳಿದವರಿಗೆ ಒಳಿತಾಗಬರದು ಏನು ಚಿಂತಿಸಿದರೆ-- ಆಗ ನನ್ನ ನಿನ್ನ ತಲೆ ಉಳಿದೀತೇನೋ ಯೋಚಿಸು. ಊಹು -- ಭೂಮಿ ಪರಸ್ಪರ ಹೋರಾಟದ ಕುರುಕ್ಷೆತ್ರವಾಗಿ, ನೆತ್ತರ ಕಡಲಾಗಿಹೊಗುತ್ತದೆ. ಆ ರಕ್ತ ಪ್ರಳಯದಲ್ಲಿ ಮನುಷ್ಯನೂ ಉಳಿಯುವುದಿಲ್ಲ; ಧರ್ಮವೂ ಉಳಿಯುವುದಿಲ್ಲ. ಜಗತ್ತೂ ಉಳಿಯುವುದಿಲ್ಲ. ನಿಮ್ಮಂತಹ ಶಿಷ್ಯರು ಬಂದೇ ಎಷ್ಟೂ ಧರ್ಮಗಳು ನೆತ್ತರುಗೆಸರಿನಲ್ಲಿ ಹೆಸರುಳಿಯದೆ ಅಳಿಸಿಹೂಗಿರುವುದು. ನಿನ್ನಂತಹ ಶಿಷ್ಯರೇ ದೊರೆತರೆ ನಾಳೆ ವೀರಶೈವ ಧರ್ಮಕಾಗುವುದೂ ಅದೇ ಗತಿಯೇ. ಛಿ! ಬಿಡು ಆ ಬುದ್ಧಿಯನ್ನು. ಧರ್ಮ ಜನಕ್ಕೆ ದಾರಿ ತೋರುವ ದೀಪ; ಯಾವುದೋ ಕುರುಡುದಾರಿಯಲ್ಲಿ ನಡೆಸುವ ಕನ್ನಕಪಟವಲ್ಲ. ಸಕಲ ಲೋಕಕ್ಕೆ ಶ್ರೇಯಾಭಿಲಾಷಿಯಾದ ಈ ಕಲ್ಯಾಣಜ್ಯೋತಿಯನ್ನು, ನಮ್ಮ ಪಂಥಕ್ಕೆ ಬರದವರನ್ನು  ಸುಡುವ ಚಿತಾಗ್ನಿಯಾಗಿ ಮಾಡುವ, ಸತ್ತವರನ್ನು ಬದುಕಿಸುವ ಅಮೃತಕ್ಕೆ ಸ್ವಾರ್ಥದ ನಂಜು ಬೆರೆಸಿ, ಲೋಕಮಾರಕವಾದ ಹಾಲಾಹಲವನ್ನಾಗಿ ಮಾಡುವ ಅಂಧಬುದ್ಧಿ ಯೊಂದನ್ನೇನೇ ನೀವು ವೀರಶೈವ ಧರ್ಮವನ್ನು ಅವಲಂಬಿಸಿ ಕಲಿತದ್ದು ! ಶರಣನೆಂದುಕೊಂಡರೆ ಏನೆಂದುಕೊಂಡೆ ? ಸ್ವಾರ್ಥದ ಗಾಣವಾಡಿಸುವ ಗಾಣಿಗ ಎಂದುಕೊಂಡೆಯಾ ? ಶರಣ ಗಂಧದ ಕೊರಡಿದ್ದಂತೆ; ತಾನು ತೇಯ್ದು ಲೋಕಕ್ಕೆ ಕಂಪನ್ನೊಡಬೇಕು; ಕಬ್ಬಿನಂತೆ ತಾನು ಹಿಂಡಿ ಲೋಕಕ್ಕೆ ಸುಧೆಯುಣಿಸಬೇಕು; ಲಿಂಗದೀಕ್ಷೆ ಈ ಪವಿತ್ರ ವ್ರತದ ರತ್ನಕಂಕಣ. 'ದಯೆಯೇ ಧರ್ಮದ ಮೂಲವಯ್ಯ' ಎಂದು ಸಾರಿ, ವೀರಶೈವ ಧರ್ಮಕ್ಕೆ ರತ್ನಸಿಂಹಾಸನವನ್ನು ಸ್ಥಾಪಿಸಿದ ಜಗಜ್ಯೋತಿ ಬಸವಣ್ಣನವರನ್ನು, ನಿನ್ನ ಸ್ವಾರ್ಥದ ಫಲಾಫಲವನ್ನು ತೂಗುವ ತಕ್ಕಡಿಯನ್ನಾಗಿ ಮಾಡಬೇಡ. ಸಾಧ್ಯವಿದ್ದರೆ, ಅವರನ್ನು ಗುರುಗಳು ಎಂದುಕೊಂಡ ನೀನು ಅವರ ಮಟ್ಟಕ್ಕೆ ಏರಬೇಕು. ಆ ಶಕ್ತಿ ಇಲ್ಲದಿದ್ದರೆ, ಆ ದಿವ್ಯಾತ್ಮಗಳನ್ನು ನಿನ್ನ ಅಲ್ಪತನದ ಮಟ್ಟಕ್ಕೆ ಎಳೆದು, ಅವರ ಶಿಷ್ಯರೆಂದೇ ಹೇಳಿಕೊಂಡು ಅವರಿಗೆ ಅಪಮಾನ ಮಾಡಬೇಡ. ಸ್ವಾರ್ಥದ ಪಶು, ಮೆಯ್ದು ಕೊಬ್ಬುವ ಹುಲ್ಲುಗಾವಲಲ್ಲ ಧರ್ಮ. ಈ ಧರ್ಮದೀಕ್ಷಾಬದ್ಧರಾದವರು ಏನು ಮಾಡಿದರೂ ಶಿವ ಮೆಚ್ಚಲಿ ಎಂದು ಮಾಡಬೇಕು ನುಡಿಯಬೇಕು ಹೊರತು, ಇದರಲ್ಲಿ ನನಗೇನು ಸಿಕ್ಕಿತು ಎಂದು ಕಂಡವರ ಚಿನ್ನವನ್ನು ತನ್ನ ಒರೆಗಲ್ಲಿಗೆ ಉಜ್ಜಿಕೊಂಡು. ಗುಂಜಿ ತೂಕದ ಚಿನ್ನ ಗಳಿಸುವ ಚಿನಿವಾರ ಬುದ್ಧಿಗೆ ಇಲ್ಲಿ ಎಡೆಯಿಲ್ಲ. ನಿನ್ನ ಹಾಗೇ ನಾವೂ ಆಡಿದರೆ ನಾಳೆ ಈ ಧರ್ಮ ರಸಾತಳಕ್ಕಿಳಿದು ಹೋದೀತು; ಶಿವತಂದೆ ಪ್ರಕ್ಷುಬ್ಧನಾಗಿ ರುದ್ರನಾಗಿ ನಮ್ಮ, ನಿಮ್ಮ , ಎಲ್ಲರ ತಲೆಯನ್ನು ಬೇಟೆಯಾಡಿಯಾನು.

ನೇತ್ರದಂದದೆ ನೋಟ

ಸತ್ಯ ಶಿವ ಸುಂದರದ ಸಚ್ಚಿದಾನಂದನದ |
ಭಿತ್ತಿಯಲಿ ಬಣ್ಣ ಬಣ್ಣದ ಜೀವಚಿತ್ರ ||
ನಿತ್ಯ ನೀನದ ನೆನೆದು ಚಿತ್ರದಲಿ ಮನವರಿಸೆ
ವೃತ್ತಿ ತನ್ಮಯವಹುದೋ -- ಮಂಕುತಿಮ್ಮ ||

ಸತ್ಯವೆಂಬುದೆಲ್ಲಿ ? ನಿನ್ನಂತರಂಗದೊಳೊ |
ಸುತ್ತ ನೀನನುಭವಿಪ ಬಾಹ್ಯಚಿತ್ರದೊಳೋ ||
ಯುಕ್ತಿಯಿಂದೊಂದನೊಂದಕೆ ತೊಡಿಸಿ ಸರಿನೋಡೆ |
ತತ್ವದರ್ಶನವಹುದು -- ಮಂಕುತಿಮ್ಮ ||

ಬ್ರಹ್ಮೊದ್ಯನ

ತಿರುತಿರುಗಿ ತಿರುಗುತ್ತೆ ಬುಗುರಿ ತಾನೇ ಸೋತು |
ತಿರೆಗುರುಳುವುದು ತನ್ನ ಬಲವ ತಾಂ ಕಳೆದು ||
ನರನುಮಂತೆಯೆ ಸುತ್ತಿ ಸುತ್ತಿ ಕಡೆಗೊಂದು ದಿನ |
ತೆರುವನಸ್ಥಿಯ ಧರೆಗೆ -- ಮಂಕುತಿಮ್ಮ ||

ಯಾತಕ್ಕೆ ಮಳೆ ಹೋದವೋ ಶಿವ ಶಿವ ಶಿವ... ಲೋಕಾ ತಲ್ಲಣಿಸುತಾವೋ...

ಯಾತಕ್ಕೆ ಮಳೆ ಹೋದವೋ ಶಿವ ಶಿವ ಶಿವ |
ಲೋಕಾ ತಲ್ಲಣಿಸುತಾವೋ  ಶಿವ ಶಿವ ||
ಬೇಕಿಲ್ಲಾದಿದ್ದರೆ  ಬೆಂಕಿಯ ಮಳೆ ಸುರಿದು |
ಉರಿಸಿ ಕೊಲ್ಲಲುಬಾರದೆ!! ||

ಹೊಟ್ಟೆಗೆ ಅನ್ನ ಇಲ್ಲಾದಲೇ  |
ನಡೆದರೆ ಜೋಲಿ ಹೊಡೆಯುತೆಲೆ ||
ಪಟ್ಟದಾನೆಯಂತ ಸ್ತ್ರಿಯಾರು ಸೊರಗಿ |
ಸೀರೆ ನಿಲ್ಲೋದಿಲ್ಲ ಸೊಂಟಾದೇಲೆ ||

ಹಸುಗೂಸು ಹಸುವಿಗೆ ತಾಳದೆಲೆ |
ಅಳುತಾವೆ ರೊಟ್ಟೀ ಕೇಳುತಲೇ ||
ಹಡೆದ ಬಾಣಂತಿಗೆ  ಅನ್ನಾವು  ಇಲ್ಲದೆಲೆ |
ಏರುತಾವೆ   ಮೊಳಕೈಗೆ ಬಳೆ ||

ಒಕ್ಕಾಲು  ಮಕ್ಕಳಂತೆ |
ಅವರಿನ್ನು ಮಕ್ಕಳನು ಮಾರುಂಡರು  ||
ಮಕ್ಕಳನು ಮಾರುಂಡು ದುಕ್ಕವನ್ನು ಮಡುತಾರೆ  |
ಮುಕ್ಕಣ್ಣ ಮಳೆ ಕರುಣಿಸೂ ||

ನಾನಾರೆಂಬುದು ನಾನಲ್ಲ, ಈ ಮಾನುಷ ಜನ್ಮವು ನಾನಲ್ಲ...

ನಾನಾರೆಂಬುದು  ನಾನಲ್ಲ, ಈ ಮಾನುಷ ಜನ್ಮವು ನಾನಲ್ಲ |

ನಾರಾಯಣವರ ಬ್ಹ್ರಂಹಸದಾಶಿವ, ನೀಯೆಣಿಸುವ ಗುಣ ನಾನಲ್ಲ ||

ಮಾತಾಪಿತಸುತ ನಾನಲ್ಲ, ಭೂನಾಥನಾದವ ನಾನಲ್ಲ |

ಜಾತಿಗೋತ್ರಗಳು ನಾನಲ್ಲ, ಬಹು ಪ್ರೀತಿಯ ಸತಿಸುಥ ನಾನಲ್ಲ ||

ವೇದ ಓದುಗಳು ನಾನಲ್ಲ, ಬರಿ ವಾದ ಮಾಡಿದವ  ನಾನಲ್ಲ |

ನಾದಬಿಂದು ಕಳಬೇಧವಸ್ತು  ನಿಜ ಬೋದದವದಲ್ಲಿದವ ನಾನಲ್ಲ ||

ನಾನೀಬೇಧವು ನಾನಲ್ಲ, ನಾ ಶಿಶುನಾಳದೀಶನ  ಬಿಡಲಿಲ್ಲ |

ನಾ ಅಳಿಯದೆ ನಾತಿಳಿಯಲುಬಾರದು  ನೀಯೆಣಿಸುವ  ಗುಣ ನಾನಲ್ಲ ||

ಶಿವಲೋಕದಿಂದ ಒಬ್ಬ ಸಾದು ಬಂದಾನೋ...

ಶಿವಲೋಕದಿಂದ ಒಬ್ಬ ಸಾದು ಬಂದಾನೋ |
ಶಿವನಾಮವನ್ನು ಕೇಳಿ ಅಲ್ಲಿನಿಂತಾನೋ||

ಮೈತುಂಬ ಬೂದಿಯನ್ನು ದರಸಿಕೊಂಡಾನು |
ಕೊರಳೊಳು ರುದ್ರಾಕ್ಷಿ ಕಟ್ಟಿಕೊಂಡಾನು||
ಮೈಯಲ್ಲಿ ಕಪನೀಯ ತೊಟ್ಟುಕೊಂಡಾನು |
ಕೈಯಲ್ಲಿ ತ್ರಿಶೂಲ ಹಿಡಿದುಕೊಂಡನು ||

ಊರಹೊರಗೆ ಒಂದು ಮಠ  ಕಟ್ಟಿಸ್ಯನೋ |
ಮಠದ ಬಾಗಿಲೊಳಗೆ ತಾನೇ ನಿಂತನೋ ||
ಒಂಬತ್ತು ಬಾಗಿಲ ಮನೆಗೆ ಹಚ್ಯನೋ |
ದರೆಯೋಳು ಮೆರೆಯುವ ಶಿಶುನಾಳ ದೀಶನು, ಶಿಷ್ಯ ಶರೀಫನ ಕೂನ ಹಿಡಿದಾನೋ ||

ಡಿ.ವಿ.ಜಿ ಯವರ ಮಂಕುತಿಮ್ಮನ ಕಗ್ಗ

ಎಲ್ಲಿಯದನೋ ಅದೆಲ್ಲಿಯದಕೋ ಹೆಣೆಯುವನು |
ಒಲ್ಲೆವೆನೆ ನೀವೇ ಕಿತ್ತಾಡಿಕೊಳಿರೆನುವನ್ ||
ಬೆಲ್ಲದಡುಗೆಯಲಿ ಹಿಡಿ ಮರುಳನೆರಚಿಸುವನು |
ಒಳ್ಳೆಯುಪಕಾರಿ ವಿಧಿ -- ಮಂಕುತಿಮ್ಮ ||

ಜನಕಜೆಯ ದರುಶನದಿನಾಯ್ತು ರಾವಣ ಚಪಲ |
ಕನಕಮೃಗದರುಶನದೆ ಜಾನಕಿಯ ಚಪಲ ||
ಜನವವನ ನಿಂದಿಪುದು, ಕನಿಕರಿಪುದಾಕೆಯಲಿ |
ಮನದ ಬಗೆಯರಿಯದದು - ಮಂಕುತಿಮ್ಮ ||

"ಜನಕಜೆ (ಸೀತೆ)ಯನ್ನು ನೋಡಿದ ರಾವಣನಿಗೆ, ಆಕೆಯನ್ನ ತನ್ನವಳನ್ನಾಗಿ ಪಡೆಯಬೇಕೆಂಬ ಮನಸ್ಸಿನ ಹಂಬಲ ಉಂಟಾಯಿತು. ಸೀತೆಗೆ ಚಿನ್ನದ ಜಿಂಕೆಯನ್ನು ನೋಡಿದಾಗ ಅದನ್ನು ತನ್ನದಾಗಿಸಿಕೊಳ್ಳಬೇಕೆಂಬ ಅದೇಬಗೆಯ ಮನಸ್ಸಿನ ಹಂಬಲ ಉಂಟಾಯಿತು. ಆದರೆ ಜನ ರಾವಣನನ್ನು ಕೆಟ್ಟವನನ್ನಾಗಿ ಬಿಂಬಿಸುತ್ತಾರೆ, ಸೀತೆಯಲ್ಲಿ ಕನಿಕರದ ಕಂಬನಿ ಮಿಡಿಯುತ್ತಾರೆ. ಸೀತೆಯಲ್ಲಿ ಉಂಟಾದ ಮನಸ್ಸಿನ ಹಂಬಲ ರಾವಣನಲ್ಲಿಯೂ ಮೂಡಿತ್ತು, ಹಂಬಲಿಸಿದ ವಸ್ತು ಬೇರೆಬೇರೆ ಇದ್ದರೂ ಅದರ ಮೂಲ ಉದ್ದೇಶ ಒಂದೇ. ಮನಸ್ಸಿನ ಬಗೆಯನ್ನು ಅರಿಯದೆ, ಎರಡು ಮನಸ್ಸಿನ ಹಂಬಲ ಒಂದೇ ಇದ್ದರೂ ಅದನ್ನರಿಯದ ಜನ ನಿಂದನೆ ಮತ್ತು ಕನಿಕರತೆಯನ್ನು ತೋರುತ್ತಾರೆ"

ಒಂದೆ ಗಗನವ ಕಾಣುತೊಂದೆ ನೆಲವನು ತುಳಿಯು |
ತೊಂದೆ ಧಾನ್ಯವನುಉನ್ನು ತೊಂದೆ ನೀರು ಕುಡಿದು||
ಒಂದೆ ಗಾಳಿಯನುಸಿರ್ವ ನರಜಾತಿಯೊಳಗೆಂತು|
ಬಂದುದೀ ವೈಷಮ್ಯ? - ಮಂಕುತಿಮ್ಮ ||

ಬದುಕು ಜಟಕಾಬಂಡಿ, ವಿಧಿಯದರ ಸಾಹೇಬ |
ಕುದುರೆ ನೀನ್, ಅವನು ಪೇಳ್ದಂತೆ ಪಯಣಿಗರು ||
ಮದುವೆಗೋ ಮಾಸಣಕೋ ಹೋಗೆಂದ ಕಡೆಗೋಡು |
ಪದ ಕುಸಿಯೆ ನೆಲವಿಹುದು - ಮಂಕುತಿಮ್ಮ ||

ಅದು ಬೇಕು ಇದು ಬೇಕು ಮತ್ತೊಂದು ಬೇಕೆಂದು |
ಬೆದಕುತಿರುವುದು ಲೋಕ ಸೋಗದಿರವನೆಳಸಿ ||
ಹೃದಯಗುಹೆಯಾ ಸುಖಧ್ಯಾನದೂಟೆಯೆ ಸಾಕ್ಷಿ |
ಮುದಗಳಮಿತದ ನಿಧಿಗೆ - ಮಂಕುತಿಮ್ಮ ||

ಆಶೆ ಮಂಥರೆ, ನರವಿವೇಚನೆಯೇ ಕೈಕೇಯಿ |
ಬೀಸೆ ಮನದುಸಿರು ಮತಿದೀಪವಲೆಯುವುದು ||
ವಾಸನೆಗಳನುಕೂಲ ಸತ್ಯತರ್ಕಕೆ ಶೂಲ |
ಶೋಷಿಸಾ ವಾಸನೆಯ - ಮಂಕುತಿಮ್ಮ ||

ಶ್ಯಾಮಸುಂದರನವನೆ ಚಕ್ರಿ ನರಹರಿಯಂತೆ |
ಸೋಮಶಂಕರನೆ ಭೈರವ ರುದ್ರನಂತೆ ||
ಹೈಮವತಿ ಶಿವೆ ತಾನೆ ಕಾಳಿ ಚಂಡಿಕೆಯಂತೆ |
ಪ್ರೇಮ ಘೋರಗಳೊಂದೆ ! -- ಮಂಕುತಿಮ್ಮ ||

code Reference

Remove duplicate values in an Array using javascript 

Remove duplicate values in an array using javascript
var a = new Array(1,2,2,2,3,4,4,5,5,6,6,6,7,8,9,9);
alert(uniqueArr(a));

//it will remove duplicate values and return array
function uniqueArr(a) {
  temp = new Array();
  for(i=0;i < a.length;i++){
    if(!contains(temp, a[i])){
      temp.length+=1;
      temp[temp.length-1]=a[i];
    }
  }
  return temp;
}

function contains(a, e) {
   for(j=0;j < a.length;j++)if(a[j]==e)return;
   return false;
}

-----------------------------------------------------------------

Java script to validate any number of radio button in html page... 

var ips,ckd;
var RadAry=new Array();
var GrpAry=new Array();
function CheckRadio() {
   ips=document.getElementsByTagName('INPUT');
   RadAry=new Array();
   for (i=0;i < ips.length;i++) {
     if (ips.type=='radio') {
       RadAry[RadAry.length]=ips;
     }
   }

  GrpAry=new Array();
  GrpAry[0]=new Array();  

  for (i2=0;i2 < RadAry.length;i2++) {
     GrpAry[GrpAry.length-1][GrpAry[GrpAry.length-1].le- ngth]=RadAry[i2];
     if (RadAry[i2+1]&&RadAry[i2+1].name!=RadAry[i2].name) {
        GrpAry[GrpAry.length]=new Array();
     }
  }
  for (i3=0;i3 < GrpAry.length;i3++) {
    ckd=1;
    for (i4=0;i4 < GrpAry[i3].length;i4++) {
      if (GrpAry[i3][i4].checked==true){
        ckd=0
      }
    }
    if (ckd){
      alert('Radio Group '+GrpAry[i3][0].name+' is not checked');
      return false;
    }
  } 

form.submit();  

-----------------------------------------------------------------

 XMLout Usage in Perl 

#If user want to write each child node in different file then use XMLout function in perl.

$tbmfile = `mktemp -f`;
$xml      = XMLin(xml_file, suppressempty => 1, ForceArray => 1);
$child     = $xml->{'ChildNode'};
foreach my $x(@$child) {
   $tbmfile = `mktemp -f`;
   my $xml_dump = XMLout($x, RootName= "ChildNode");
   open(FD,">/tmp/$tbmfile");
   print FD $xml_dump;
   close(FD);
}

-----------------------------------------------------------------

 Regular expression in Mysql 

The basic syntax to use regular expressions in a MySQL query is:
SELECT something FROM table WHERE column REGEXP 'regexp'

For example, to select all columns from the table events where the values in the column id starts with 5, use:
SELECT * FROM events WHERE id REGEXP '^5.'
regular expression metacharacters
. match any character
? match zero or one
* match zero or more
+ match one or more
{n} match n times
{m,n} match m through n times
{n,} match n or more times
^ beginning of line
$ end of line
[[:<:]] match beginning of words
[[:>:]] match ending of words
[:class:] match a character class
i.e., [:alpha:] for letters
[:space:] for whitespace
[:punct:] for punctuation
[:upper:] for upper case letters
[abc] match one of enclosed chars
[^xyz] match any char not enclosed
| separates alternatives  

-----------------------------------------------------------------

 Date difference in Javascript 

Calculate the days difference between two dates in Javascript.

var knownDate = new Date(2008, 10, 25) //Month is 0-11 in JavaScript.
var today = new Date(); // Tue Dec 16 11:42:52 IST 2008
var one_day = 1000*60*60*24;
var Diff_date = Math.ceil((knownDate.getTime()-today.getTime())/(one_day));  

-----------------------------------------------------------------

Vi Editor user guide 

Below link provide full reference to vi editor... enjoy
http://www.cisco.com/univercd/cc/td/doc/product/atm/l2020/l2020r21/clicard/npos/viedit.htm#xtocid84161

ಆಟೋ ಪುಸ್ತಕದಿಂದ ಆಯ್ದ ಬೀChi ಪಂಚ್

ಈ ಕೆಳಕಂಡ ವಿಷಯಗಳನ್ನು ಬೀಚಿಯವರ ಆಟೋ ಪುಸ್ತಕದಿಂದ ಆಯ್ಕೆ ಮಾಡಲಾಗಿದ್ದು, ಈ ಪ್ರಕಟಣೆಯ ಮುಖ್ಯ ಉದ್ದೇಶ ಕನ್ನಡ ಓದುಗರನ್ನು ಪುಸ್ತಕಗಳತ್ತ ಸೆಳೆಯುವುದಷ್ಟೇ.
---------------------------------------------------------

"ಏನು ಸ್ವಾಮಿ, ಹೇರಿಗೆಯಾಯಿತೇ ಮನೆಯಲ್ಲಿ"
"ಆಯಿತು. ಮನೆಯಲ್ಲಲ್ಲ, ಆಸ್ಪತ್ರೆಯಲ್ಲಿ."
"ಏನು ಮಗನೋ?... ... "
"ಆ ಪುಣ್ಯ ಎಲ್ಲಿದೆ ? ಸುಡುಗಾಡು ಹೆಣ್ಣು."
ಹುಟ್ಟುವಾಗಲೇ ಈ ಸುಸ್ವಾಗತ ಹೆಣ್ಣಿಗೆ.

---------------------------------------------------------

"ರಿಸಲ್ಟ್ ಬಂತೇ, ನಿಮ್ಮ ಮಗನದು"
"ಮೂರು ದಿನವಾಯಿತಲ್ಲ ಆಗಲೇ"
"ಏನಾಯಿತು ಪಾಸು ತಾನೇ ಹುಡುಗ?"
"ಪಿಂಡ ಮತ್ತೆ ಫೇಲು.?"
"ಪಾಪ ಏನು ಮಾಡುತ್ತಿರಿ ಮತ್ತೆ?"
"ಮಾಡುವುದೇನು ಸ್ಕೂಲ್ ಬಿಡಿಸಿದರೆ ಆಗುತ್ತಯೇ ಮತ್ತೆ ಓದುತ್ತಾನೆ."
"ಮರತೇ ಬಿಟ್ಟಿದ್ದೆ. ನಿಮ್ಮ ಮಗಳು?"
"ಆ ಮುಂಡೆದಕ್ಕೆ ರಾಂಕ್ ಬಂದಿದೆ ನೋಡಿ. ಫಸ್ಟ್ ಕ್ಲಾಸಿನಲ್ಲಿ ಬಂದಿದ್ದಾಳೆ ಅಂದರೆ?"
"ಕಳಿಸಿ ಕಾಲೇಜಿಗೆ. ಚುರುಕು ಬುದ್ಹಿಯವರನ್ನು......"
ಕೆಲಸವಿಲ್ಲ ಮಾಡಲಿಕ್ಕೆ. ಈ ವರ್ಷ ಮದುವೆ ಮಾಡಿಬಿಡುತ್ತೇನೆ. ಕಾಲೇಜು ಬೇಡ, ಕ್ಯಬೇಜೂ ಬೇಡ"
"ಅದೂ ಸರಿಯೆ ಅನ್ನಿ. ನಿಮ್ಮದು ದುರ್ದೈವ, ಪಾಪ ಇವಳೇ ಫೇಲು ಆಗಿ, ಮಗನು ಪಾಸ್ ಆಗಬಾರದಿತ್ತೆ?"
ಬಹು ಕಲಿತವರು ಕೂಡ ಹೆಣ್ಣು, ಗಂಡನ್ನು ಹೀಗೆ ಕಾಣುತ್ತಾರೆ.

---------------------------------------------------------

ಈ ಮನೋಭಾವವೇ ಅನಾಹುತಕ್ಕೆ ಕಾರಣವಾಯಿತು.
ಅಕ್ಕನ ಹೆಣದ ಮುಂದು ನಿಂತು ವಲಿ ಅನ್ನುತ್ತಾನೆ.
"...... ಆ ಹಲ್ಕಾರಾಂಡ್ ಖರಾಬ್ ಆಗಿದ್ಳು."
"ಬಾಯಿ ಮುಚ್ಚೋ ಬದ್ಮಾಷ್! ಗಂಡು ಖರಾಬ್ ಆದ್ರೆ ದಿಲ್ದಾರ್ ಆದ್ಮಿ ಹೆಣ್ಣು ದಿಲ್ದಾರ್ ಆದ್ರೆ  ಖರಾಬ್ ಅಮ್ತೀಯಾ? ಸೈತಾನ್!"

---------------------------------------------------------
 
"ಒಡಹುಟ್ಟಿದವರು"
ಅಕ್ಕ ತಮ್ಮ ಆಗಿರಲು ಜಾತಿ ಅಡ್ಡ ಬರುತ್ತದೆಯೇ? ಒಡಹುಟ್ಟಿದವರೇ ಆಗಬೇಕೆನು ಒಡಹುಟ್ಟಿದವರಂತಿರಲು?
ಒಡಹುಟ್ಟಿದವರಲ್ಲಿ ನಾಯಿಯಂತೆ ಕಚ್ಹಾಡುವವರೇ ಹೆಚ್ಚು. ಒಡನಾಡಿಗಳು ಹೆಚ್ಚು ಅಕ್ಕರದಿಂದ ಬಾಳಿ ಬದಕುತ್ತಾರೆ.
 
---------------------------------------------------------
"ತಂದೆಯಂತೆ ಮಗ" 

  ತಂದೆ ಮಾಡಿದಂತೆ ಮಗನೂ ತಪ್ಪು ಮಾಡುತ್ತಾನೆ. ತಪ್ಪು ಮಾಡುವುದು ಮಾನವ ಜನ್ಮಸಿದ್ದವಾದ ಹಕ್ಕು. ಆದರೆ ತಂದೆ ಮಾಡಿದ ತಪ್ಪನ್ನೇ ಮಗನೂ ಏಕೆ ಮಾಡಬೇಕು? ಈ ಏಬಡ ಜಗತ್ತಿನಲ್ಲಿ ತಪ್ಪುಗಳಿಗೂ ಬಡತನವೇ? ತಪ್ಪುಗಳಲ್ಲಿ ವೈವಿಧ್ಯತೆ ಇಲ್ಲವೇ, ಮಾಡಬೇಕೆನ್ನುವ ಮಗನಿಗೆ? ತಂದೆ ಒಂದು ತಪ್ಪು ಮಾಡುತ್ತಾನೆ, ಮಗನು ಅದರಿಂದ ಸಹಜವಾಗಿಯೇ ಪಾಠ ಕಲಿಯುತ್ತಾನೆ. ತತ್ಫಲವಾಗಿ ಆ ತಪ್ಪನ್ನು ಬಿಟ್ಟು ಬೇರೊಂದು ಹೊಸತನ್ನು ಇವನು ಮಾಡುತ್ತಾನೆ. 

  ಒಂದು, ಎರಡು, ಮೂರು ಆದವು ಸಾಲಾಗಿ, ದಶರಥ ಮಹಾರಾಜನಿಗೆ ಮೂವರು ಹೆಂಡಂದಿರು. ಒಬ್ಬಳು ಸತ್ತ ನಂತರ ಇನ್ನೊಬ್ಬಳು, ಅವಳ ನಂತರ ಮತ್ತೊಬಳು ಅಲ್ಲ. ಮೂವರೂ ಏಕಕಾಲದಲ್ಲಿ ಸಾಯದೆ ಇದ್ದರು ಬದುಕಿ. ಗಂಡನೇ ಸತ್ತ ಮೊದಲು . ಮೂವರಿಗೂ ಒಂದೇ ಬಾರಿಗೆ ವೈಧವ್ಯ ಪಟ್ಟವನ್ನು ಕರುಣಿಸಿ. ಮೂವರು ಸ್ತ್ರೀಯರನ್ನು ಮದುವೆಯಾಗುವುದೆಂದರೆ ಸಾಮಾನ್ಯವೇ? ಒಂದು ಇಡೀ ಜಾತ್ರೆಯನ್ನೇ ಮಾಡುವೆ ಆದಂತೆಯೇ!

  ತಂದೆಯ ತಪ್ಪಿನ ಉಪಯೋಗವು ಮಗನಿಗೆ ಲಭಿಸಿತು. ಒಂದೆಂದರೆ ಒಂದೇ ಪಾಂಡವರ ಕಾಲದಲಿದ್ದ ಒನ್ ಬೈ ಫೈವ್ ಪದ್ಧತಿ ಇರಲಿಲ್ಲ ರಾಮನ ಕಾಲದಲ್ಲಿ ಕಾರಣ ಒಂದೇ ಹೆಣ್ಣನ್ನು ಲಗ್ನವಾದ ಅವಳನ್ನೂಬಿಟ್ಟಿದ್ದ ಕೆಲವುಕಾಲ, ದಶರಥ ಮಗನಾದ ರಾಮಚಂದ್ರ. ಹೆಂಡತಿಯ ಮಾತಿಗಾಗಿ ಮಗನನ್ನು ಅರಣ್ಯಕ್ಕೆ ಕಳಿಸಿದ್ದ ದಶರಥ. ಊರವರ ಮಾತಿಗಾಗಿ ಹೆಂಡತಿಯನ್ನೇ ಅದವಿಗತ್ತಿದ್ದ ಶ್ರೀರಾಮ. ಮನೆಯಲ್ಲಿ ಹುಟ್ಟಿದ್ದ ಮಗನನ್ನು ತಂದೆ ಅದವಿಗಟ್ಟಿದ, ಅಡವಿಯಲ್ಲಿ ಹುಟ್ಟಿದ ಮಕ್ಕಳನ್ನು ಇವನು ಮನೆಗೆ ತಂದ.

  ಪುರಾಣದ ತುಂಬ ಇಂತಹ ಉದಾಹರಣೆಗಳು ಕೇಳಿದಷ್ಟು ಇರುವಾಗ "ತಂದೆಯಂತೆ ಮಗ" ಎಂದು ಅದಾರೋ ಎಂದರೆಂದು ಎಲ್ಲರೂ ಅನ್ನುವುದೇ? ಅಥವಾ ಎಲ್ಲರೂ ಅನ್ನುತ್ತರೆಂದು ಮಗನು ತಂದೆಯಂತೆ ಆದಾನೆ??